Udal ordezkariek eta Jordi Colomer teknikariak eztabaida eta erabakitze prozesuko bileren lehenengo txandatik ateratako ekarpen eta ondorioak aurkeztu zituzten atzo ilunabarrean udaletxeko pleno aretoan. 

091203 2. osoko batzarra

Aitor Etxeberria alkateak eta Enrike Lekuona hirigintza zinegotziak aipatu bezala, “gustura gaude orain arte herritarrek izan duten parte-hartze eta jarrerarekin”. Atez ateko hondakinen gaikako bilketa da egungo kudeaketa sistemak sortzen dizkigun osasun, ingurumen, ekonomia eta lege arazoei irtenbide osoena ematen dien sistema, eta herritarrak honen aldeko apustua egiteko prest azaldu dira. Bileren lehenengo txanda amaitu berritan, udalak ekarpen ugari jaso ditu eta baliagarriak izango dira Oiartzungo atez ateko bilketa definitu eta hobetzeko. 

Udalak auzotar, merkatari eta ostalariekin egin dituen orain arteko batzarretatik jasotakoaren arabera, herritarrak ados daude beren hondakinak gauez biltzearekin. Zintzilikailuak, aportazio zein emergentzia guneak eta garbiguneak ere azpiegitura egokiak direla ondorioztatu da. Hala ere, San Markoseko kamioiaren (garbigune mugikorra) eta beiraren igluen zerbitzua indartzea eskatu denez, horretarako baliabideak jarriko dira. 

Bestelako ekarpen eta iritzi gehiago ere jaso dira. Alkateak esan bezala, ahal bezain ekarpen gehien kontuan hartuz eta landuz, “atez atekoak Oiartzunen izango duen funtzionamendua definitu behar dugu; udalak jarriko ditu etxean sortzen zaizkigun arazoei irtenbidea emateko baliabideak”.

  Gehiago irakurri

Iruzkina gehitu

5. kontenedoretik haratago

Atzo ilunabarrean Altzibarko elizan elkartu ginen auzoz auzoko bileren 1. txandako azken batzarrean.

091130 altzibarko bilera

Bertara gerturatu zirenetako batzuek Oiartzunen 5. kontenedorea jartzeko aukerak aztertu ote diren galdegin zien udal ordezkariei. Udaleko teknikariak azaldu bezala, bai, aztertu da herrian 5. kontenedorea jartzeko aukera. Sistema honekin, ordea, ez dira atez atekoarekin lortzen diren birziklatze mailak lortzen.

%80ko birziklatze maila gainditzeko aukera emateaz gainera, atez atekoa 5. kontenedorea baino errentagarriagoa izan daiteke. Zabortegira joango den hondakin kopuruan dago gakoa. Zenbat eta birziklatze maila altuagoa lortu, orduan eta hondakin gutxiago eramango dugu zabortegira eta, beraz, baxuagoa izango da hondakin horien tratamendu tasa.

Gehiago irakurri

2 iruzkin

Udalak auzoz auzo, merkatariekin eta ostalariekin egiten ari den bileren 1. erronda positiboki baloratu du. Eskerrak eman nahi izan dizkie oiartzuar guztiei beren ekarpenengatik eta 2. txandako bileretan ere parte hartzeko deia luzatu die.

Irakurri albistea DVn.

Iruzkina gehitu

Ostiral ilunab091127 landa eremuko bileraarrean landa eremuko bizilagunekin elkartu ginen udaletxeko pleno aretoan. Atez atekoaren nondik norako orokorrak azalduta, bilketa sistema honek beren beharretara egokitzeko izango dituen baliabideez aritu ginen.

Autokonposta da atez ateko bilketaren zutabe nagusietako bat eta garrantzi berezia du landa eremuko etxebizitzetan (baita gune urbanoko etxe-bakarretan ere) . Izan ere, materia organikoa sortzen den lekuan bertan tratatzea da egokiena eta landa eremuko bizilagunek beren zelai, lorategi edo gune berdeak erabil ditzakete autokonpostarako.

Konposta etxean bertan erraz egin daiteke. Lorategian edo gune berdean dugun konposta kajara sukaldatutako edo sukaldatu gabeko edozein motatako materia organikoa bota genezake: barazkiak, haragia, arraina… Gakoa materia lehor eta hezearen arteko orekan dago. Kajara botatzen dugun materia organikoa hezea da eta txirbila, lastoa, poda… bezalako materia lehorrekin konpentsatu behar da. Erraz lor daiteke ongarri gisa erabil daitekeen kalitate oneko konposta.

Beren materia organikoa etxean bertan konpostatzen duten bizilagunek hobaria izango dute zaborren tasan. Izan ere, udalak ez du beren hondakin organikoak bildu eta tratatu beharrik izango.

Gehiago irakurri

Iruzkina gehitu

Hondakinen arazoa denona da

Atzo ilunabarreko 19:30tan Arraguako elizan elkartu ginen. Gerturatu ziren bizilagunak urduri eta kezkatuta azaldu ziren. Atez atekoaren funtzionamendua egokia eta eraginkorra izango ote den galdetu zuten.

Azaldu zen bezala, egungo hondakinen kudeaketa sistemak goia jo du eta irtenbidea eman behar diogu zaborrak janda geratu nahi ez badugu. Arazo sozial eta ekonomikoa da, ez da arazo politikoa.

Gakoa guztion kontzientziazioan dago.091126 arraguako elizako bilera Birziklatzea da gaur egungo egoerari buelta emateko aukera bakarra eta ohitura aldaketa txiki batekin, lor dezakegu. Atez atekoa da horretarako egun dugun sistemarik onena. Egiaz kontzientziatuta bagaude, birziklatzeko erabiltzen dugun sistema tramite hutsa izango da eta atez atekoa martxan jartzean sortuko zaizkigun arazo txikiak denon artean konponduko ditugu. 

Gainera, atez atekoa ekonomikoki bideragarria den sistema da. Egungo hondakinen kudeaketa eta errauskailua bezalako tratamendu finalistak gero eta garestiagoak izango dira. Atez atekoarekin gastuak mantendu edo gutxitu egingo dira, ordea. Horregatik, arrazoi ekonomikoak ere direla medio, inguruko udalerri asko ari dira sistema hau aztertzen. Hala nola, Lezo, Pasaia, Donostia, Debabarrenako Mankomunitatea…

Iruzkina gehitu

Asteazken ilunabarrean Arraguako Aldeguna elkartean bildu ginen. Beste hainbat gairen artean, egungo kontenedoreez eta udaberritik aurrera erabiliko ditugun kubo eta poltsez hitz egin zen.

091125 aldegunako bilera

Udal ordezkariek azaldu bezala, beira birziklatzeko erabiltzen dugun iglu berdea da herriko kaleetan geratuko den bakarra. Edukiontzi grisa, urdina eta horia desagertu egingo dira. Bizilagunek erabaki hau zergatik hartu den galdetu zuten. Hau da, iglu berdea mantendu egingo badugu, zergatik ez dugu gauza bera egingo kontenedore urdin eta horiarekin?

 

Gehiago irakurri

Iruzkina gehitu

Atzo, musika eta guzti, Ugaldetxoko eskoletan bildu ginen auzotarrekin.

091124 ugaldetxoko bilera

Jendea kuadernoa galdera, zalantza eta ekarpenez beteta etorri zen bilerara. Gerturatutakoek, beste hainbat gauzaren artean, hondakinak egoki sailkatzeko informazioa eta birziklatzeko erraztasunak eskatu zizkioten udalari. Sortzen ditugun hainbat hondakin ez dakigu ondo non bota behar ditugun eta jakinda ere, hainbatetan, ez dugu erraztasunik berauek birziklatzeko. Udalak esan bezala, atez atekoak biltzen ditu bi gai hauek.

 

Gehiago irakurri

Iruzkina gehitu

Atzo ilunabarrean Iturriozko Iturri Berri elkartean bildu ginen atez atekoaz hitz egiteko.

091123 iturriozko bilera

Gerturatu zirenek interes osoz jarraitu zituzten udal ordezkarien azalpenak eta proposamenak. Nabaria zen herritarren artean jakinmina nahiz zalantzak bazirela. Zintzilikailu eta kubo marroiek izango dituzten kodeez, ordutegiaz, behin martxan jarrita izan daitezkeen ezbehar txikiez… aritu ginen. Honen guztiaren harira, Enrike Lekuona hirigintza zinegotziak lasaitasun mezua transmititu nahi izan zien auzotarrei. Dugun erronka nagusia birziklatze maila ahalik eta altuenetara heltzea da, eta bidean sortuko zaizkigun ezusteko txikiak denon artean konponduko ditugu. Izan ere, atez ateko bilketarekin, denon ohitura aldaketa txiki batekin,egungo egoera larriari buelta emango diogu eta denon osasunak zinez eskertuko digu.

Iruzkina gehitu