Atzoko eguna emankorra izan zen; gauza mordoa dugu kontatzeko.

Haurtzaro Ikastolako eta Elizalde Herri Eskolako ikasleek hondakinen gaia jorratu dute aurtengo ikasturtean Agenda21-en bitartez, eta atzo Aitor Etxeberria alkateari eta Jon Kortajarena teknikariari beren ondorio eta proposamenak aurkeztu zizkieten udaletxean.

Ikasleeak jakitun dira hondakinen arazoaren larritasunaz, eta ulertzen dute udalak hondakinak biltzeko sistema aldatzeko hartutako erabakia. Beraiek ere beren hondar alea jartzeko prest daude eta horregatik, “gurasoei lagunduko diegu hondakinak egoki sailkatzen eta ahal dugunak konposta egingo dugu gure hondar organikoekin”.

Alkateak beren proposamenak eta ondorioak jakanarazi izana eskertu zieten. Finean, “atez ateko bilketa etorkizuneko apustua da, eta zuek zarete herri honen etorkizuna”. Bide beretik jarraitzeko eskatu zien Etxeberriak ikasleei, “zuek erakusten baitiezue askotan gurasoei hondakinak egoki sailkatzen”. Ikusi bideoa

Ikasleek udal ordezkariek izan zuten bileraz gain, atez ateko informazio bulegoko teknikariek paperarentzako birringailua jarri dute Manuel Lekuona bibliotekan. Herritarren eskaerari jarraiki, konfidentzialak diren dokumentuak paperetara bota aurretik birrindu ahal izateko jarri da eta herritar ororen eskura dago.

Baina oraindik badago gehiago, atez atekoaren bidean beste pauso bat gehiago eman dugu: Orioko Udalak ere bat egin du Usurbilgo Itunarekin; errauste-plantarentzat sei urteko moratoriarekin eta Usurbilgo hondakinak biltzeko eredua (orain Hernani eta Oiartzungoa ere badena) eraginkorra dela esatearekin, alegia. 

Iruzkina gehitu

Astearte, asteazken eta ostiraletan bilketa zerbitzu gehigarriak izango dituzte merkatari eta ostalariek. Beraz, asteko hiru egunetan goizez eta gauez ibiliko dira bilketa lanetan; lehenik komertzioetan eta gauez etxeko ohiko zerbitzuan.

Asteartetan, goizez organikoa biltzen zaie merkatari eta ostalariei (asteazkenetan errefusa eta ostiraletan papera), gauez papera eta kartoia jasotzen dira. Gaueko bilketaren bideoan ageri denez, plastikozko poltsetan ateratako papera bereizi egiten du biltzaileak eta pixoihal nahiz konpresak ere beste ontzi batean botatzen ditu.

Iruzkina gehitu

JURDANA MARTIN RETEGI.

23 urte. Ingeles filologian lizentziatua

Aberystwyth: 20.000 biztanle.

Aberystwyth Galeseko kostaldeko herria da. Unibertsitate garrantzitsua du eta herriko biztanleen artean 8.000 ikasleak direla kalkulatzen da. Urte eta erdiz bizitu da Jurdana bertan, ingeles filologiako ikasketak bukatzera joan ondoren. Duela gutxi itzuli da berriz herrira.

“Birziklapenaren inguruan, estremoak daude Aberystwyth-en. Unibertsitateko liburutegian, esate baterako, ontzi asko daude zabor mota ezberdinentzat: cd-ak, plastikoa, latak, organikoa, papera, beira, pilak… Unibertsitateko egoitzetan bizi direnei, unibertsitateak berak poltsa gardenak banatzen dizkie, birziklatzeko (batez ere papera, plastikoa eta zaborra). Leku batzuetan, plastikoa eta papera poltsa berean sartzen dituzte. Arraroa da. Guri hori egitea burutik ere ez litzaiguke pasatuko.

Kalean ez dira edukiontziak ikusten. Etxez etxeko bilketa egiten dute Aberystwhyten. Posta kodearen arabera, egun ezberdinetan biltzen dituzte hondakinak; gure etxean adibidez, astearte goizetan 9ak aldera pasatzen ziren. Guk hemengo frakzioak birziklatzen genituen etxean: papera, plastikoa, beira eta zaborra. Astelehen gauean edo astearte goizean jaisten genuen, poltsa ezberdinetan.

Asteartea heldu bitartean, etxean eduki behar dituzu hondakinak. Normalean, etxeen atzealdean edukiontzi ttiki bat izaten da, hondakinak bertan uzteko (film amerikarretan agertzen diren edukiontzi beltz biribil horien tankerakoak). Gero, hori atera behar zenuen zegokizun egunean. Errepidea etxearen atzealdetik pasatzen bazen, beraiek hustutzen zituzten edukiontziak zuzenean.

Eskola batean lanean aritu nintzen. Han ere, unibertsitatean bezala, ontzi ezberdinak zeuden hondakin mota bakoitzarentzat.

Taberna batean ere egin nuen lan, eta hori kuriosoa zen: birziklatzen zen, baina modu arraroan. Kartoia alde batetik; plastikoa eta tabernan sortzen ziren gainontzeko hondakinak bestetik eta beira aparte.

Botilatan edari asko saltzen da Galesen. Botilak koloretakoak dira eta kolorearen arabera sailkatu behar genituen: gardenak eta urdinak alde batetik; berdeak bestetik eta marroiak bestetik.

Orokorrean, herrian jendea kontzientziatua dago eta birziklapena bultzatzen dute. Baina uste dut kanpoko ikasleek ez dutela gehiegi ulertzen sistema. Astean behin bakarra zakarra atera behar horren kontura, dena batera doala dirudi. Eta betiko kontua… askoz erosoagoa da dena boltsa bakarrean sartzea askorentzat…”

Informazio gehiagorako:

-http://news.bbc.co.uk/2/hi/uk_news/wales/2231015.stm

-http://wastedirectory.netregs.gov.uk/

http://www.environment-agency.gov.uk/netregs/legislation/current/63638.aspx

-http://wales.gov.uk/docs/statistics/2010/100121sb692009ren.pdf

-http://www.foe.co.uk/resource/briefings/zero_waste_wales.pdf

Iruzkina gehitu

Atzo gauean, bilketaren bigarren egunean, ontzi arinak bildu ziren. Datu ofizialen zain, kamioian ibili ziren teknikariak “material dezente eta kalitate onekoa” bildu zela esan dute.

Honez gain, gaua aprobetxatu eta herriko aportazio eta larrialdi guneak ere bisitatu genituen. Txukun-txukunak daude eta kontenedore barruko hondakinak ere egoki sailkatuta daude.Ikusi hemen argazkiak

Iruzkina gehitu

Txukuna eta garbia. Horrela zegoen atzo Oiartzungo plaza kubo marroiak zintzilikailuetan jarrita.

Iruzkina gehitu

Emaitza onak, kontenedore guztiak erretiratu gabe egonik eta 650 familia autokonpostatzaile izanik 

Atzo gaueko 22:00an jarri zen abian hondakinen atez ateko bilketa Oiartzunen eta udalean gustura daude “bilketarekin berarekin eta lortutako emaitzekin”. Biltzaileak normaltasun osoz aritu dira lanean eta “kalitate oneko” 1300 kilo materia organiko bildu dute. 

Herriko kontenedore guztiak erretiratu gabeak direla kontuan izanik eta Oiartzungo 650 familiak beren materia organikoa beren kabuz kudeatuko dutela jakinda, udala gustura dago herritarrek eman duten erantzunarekin. Izan ere, edukiontziak eskura izanda, atzo gauean oraindik egon bazegoen zaborpoltsa kontenedorera botatzeko aukera. Herritar askok, ordea, beren kubo marroia “txukun eta egoki” zintzilikailuan uztea aukeratu zuen. Gaur eta bihar jasoko dituzte kontenedore guztiak herriko kaleetatik, eta bihartik aurrera Oiartzungo karriketan beirarentzako iglu berdea soilik egongo da.  

Hobekuntzak, gaurtik bertatik hasita 

“Atez ateko bilketa sistema malgua da eta hobekuntzarako aukerak baditu”. Bilketa sistema berriari ekitea da lehen pausoa, eta hemendik aurrera atez atekoa doitzen joatea da udalaren helburua; “herritarren beharretara gero eta gehiago egokitu eta emaitzak hobetzeko”. 

Gaurtik bertatik hasi da Oiartzungo Udala bide hori jorratzen. Bart arratseko bilketaren ostean izan diren jazoerak (20 eskas guztira) jada konponduta daude, eta bide honetatik jarraituz “gero eta zerbitzu hobea” eskaini nahi die herritarrei udalak. Beren hondakinak biltzeko garaian arazoren bat izanez gero, horren berri emateko eskatu diete atez ateko informazio bulegotik herritar guztiei.

Iruzkina gehitu

Elizalde auzoko “Beheko Plaza”n atzo gauean hartutako irudiak dira honakoak.

Iruzkina gehitu

Ikusi auzoz auzoko lehenengo kubo marroien argazkiak.

Iruzkina gehitu