Agenda ekintzaz betea!

Astea interesgarria izaten ari da, eta ostirala aprobetxatuko dugu, agenda kulturalen moduan, horren guztiaren berri emateko.

“Gipuzkoa Zero Zabor”, mugimendu soziala: Atez atekoaren aldeko eta erraustearen aurkako taldeek bat egin, eta Gipuzkoa Zero Zabor gizarte mugimendua sortu dute. Talde oiartzuarrak ere badira tartean. Gipuzkoa “Zero Zabor” lurraldea izatea bultzatzeko asmoz eta errauste-planta beharrezkoa ez dela frogatzeko sortu da taldea. Asteazken arratsaldean aurkeztu zuten beren burua. Ikusi hemen bideoaSMM konferentzia ekonomikoa

Atez atekoaren abantaila ekonomikoen gaineko konferentzia: Gaur goizeko 11:00an Jordi Colomer teknikari kataluniarrak atez atekoaren abantaila ekonomikoez hitz egingo du Gipuzkoako Merkataritza Ganberan. Hainbat udaletako ordezkariak eta ingurumen teknikariak izango ditu entzule. Sanmarko Mankomunitateak antolatu du eta zuzenean emango du Interneten.

Errauste-plantarentzat sei urteko moratoria eskatzeko manifestazioa: Igandean (ekainak 20) izango da Donostian: eguerdiko 12:00an abiatuko da Boulevard-etik. Usurbilgo Itunak eta Errausketaren Aurkako Koordinakundeak deituta, Zubietako errauste-plantarentzat sei urteko moratoria eskatzea da helburua. Antolatzaileek herritar guztiei egin diete bertaratzeko deia.

Iruzkina gehitu

100604 errausketa manifaErrausketaren Aurkako Koordinakundeak eta Usurbilgo Itunak Zubietako errauste-plantaren aurkako manifestazioa deitu dute datorren ekainaren 20rako (igandea). Eguerdiko 12:00an aterako da martxa Donostiako Boulevard-etik gipuzkoarrok hondakinen arazoari egiazko irtenbidea emateko aukera bat izan dezagun eta errauste-plantarentzat moratoria eskatuz.

Iruzkina gehitu

Aitor Etxeberria alkateak bat egin du errauste-programa 6 urtez atzeratzeko egindako eskariarekin. Xabier Mikel Errekondo Usurbilgo alkateak egin dio moratoria-eskaera Gipuzkoako Foru Aldundiari, eta jada jaso du Hernaniko Udalaren eta errausketaren aurkako plataformen babesa. Hurrengo egun eta asteetan alderdi, sindikatu, gizarte mugimendu eta udal gehiagok moratoria-eskaerarekin bat egitea aurreikusten da. 

DSC00319 lopez uralde usurbil 100222 web

Oiartzungo Udala “erabat ados dago Usurbilgo alkateak Foru Aldundiari egin dion eskariarekin, etorkizunerako pauso garrantzitsua baita”. Usurbilgo birziklatze-mailak igo egin dira hondakinak atez ate biltzen hasiz geroztik, eta Hernanik eta Oiartzunek laster ekingo diote bide berari. Etxeberriaren hitzetan, “ahalik eta hondakin gehien birziklatzea da etorkizuneko bidea eta, gaur gaurkoz, atez ateko bilketa da horretarako aukerarik onena. Gainera, errausketa ekiditeko sistema da eta esku-eskura dugu”. 

“Errauste-plantan 400 milioi euro xahutzeak ez du ez hanka ez bururik” Oiartzungo Udalaren iritziz. “Are gutxiago, erraustegia bera eta ekarriko dizkigun osasun eta ingurugiro-arazoak ekiditea posible denean”. Atez atekoa sistema malgua da eta Gipuzkoa osora zabal daiteke. “Horren adibide dira Hernani eta Oiartzun. Hernanik, egitura bertikala eta biztanle asko dituen herri eta hirietan hondakinak atez ate biltzea bideragarria dela frogatuko du. Guk, berriz, herrian etxe bakar asko izanik, etxeko konpostak sistema honetan duen garrantzia berretsiko dugu”. 

Denbora behar da atez atekoa Gipuzkoa osora zabaldu ahal izateko eta “moratoriak, hain justu, horretarako aukera emango digu. Oiartzunen frogatu dugu, baliabideak izanez gero,  herritarrak apustuari ekiteko prest daudela”. Moratoriaren bitartez, “usurbildar, hernaniar eta oiartzuarrentzat; gipuzkoar ororentzat eta atez atekoarentzat aukera bat eskatu nahi dugu”. 

Gehiago irakurri

Iruzkina gehitu

Atez ateko bilketa, herritarren lana eta kontzientziazioa, errauste-planta, moratoria, herri-kontsulta,… Dena dago lotuta. Xabier Mikel Errekondo Usurbilgo alkatea hari horiekin guztiekin sarea josten saiatu zen pasa den ostiralean Info7 irratian egin zioten elkarrizketan.

Iruzkina gehitu

Erraustegiaren aurkako plataformek bere babesa eskaini diote Usurbilgo alkateak publikoki Gipuzkoako Foru Aldundiari egindako moratoria eskaerari. Hernaniko alkateak egin bezala, erraustegiaren aurkako plataformek ere Zubietako errauste plantaren egitasmoa 6 urtez atzeratzeko eskatu dute.incineradora no 

6 urteko epe horretan atez ateko bilketaren aldeko apustua egitearen alde azaldu dira. “Usurbilgo esperientziak emaitza onak” izan dituela nabarmendu dute eta atez atekoa herri gehiagotan martxan jarri ahal izateko “denbora” ezinbestekoa dela gogorarazi nahi izan dute. Moratoria eskaerak, hain justu, horretarako aukera emango du beren iritziz. 

Horren guztiaren harira, hemen duzue munduan zehar HONDAKINEN ERRAUSKETA DEBEKATZEN duten hainbat herrialderen, probintziaren, herriren, hiriren… zerrenda. Jaso berri dugun notizia da Aragoiko komunitate autonomoak errausketa alde batera utzi duela eta atez ateko proba pilotuak martxan jartzea aurreikusten duela; hala azaltzen da bere hondakinen kudeaketarako plan integralean (GIRA 2009-2015).

Iruzkina gehitu

Izenburu hau jarri dio Xabier Mikel Errekondo Usurbilgo alkateak atzo Berria egunkarian argitaratu zuen iritzi arikuluari. Pasa den astean erraustegiaren gaineko sei urteko moratoria eskatu zion publikoki Gipuzkoako Foru Aldundiari eta horretaz dihardu bere idatzian. Hainbat pisuzko arrazoi jartzen ditu mahai gainean atez atekoarentzat, usurbildarrentzat eta gipuzkoar guztientzat aukera osasuntsu bat eskatzeko; oraindik aukeran baikaude.

Iruzkina gehitu

100211 moratoria XMXabier Mikel Errekondo Usurbilgo alkateak errausketa programa 6 urtez atzeratzea eskatu dio Diputazioari udaletxean eman duen prentsaurrekoan. Gipuzkoako ahaldun nagusi den Markel Olanori “usurbildarrak egiten ari diren lana kontuan hartzeko eta atez ateko bilketari nahiz Gipuzkoa osoari aukera bat emateko” eskatu dio. Errekondoren hitzetan, “onartezina da erraustegia bezalako makro-poiektuetan 400.000 euro, lehengo 67.000 milioi pezeta inguru, gastatzea. Are onartezinagoa, egitasmo horrek herritarren osasunari eta ingurumenari kalte egingo badio”. 

Atez ateko hondakinen bilketak ematen dituen emaitzak frogatu dituzte Usurbilen bertan eta munduko hainbat txokotan. Horregatik, “moratoria atez atekoa Gipuzkoa osora zabaldu ahal izateko eskatzen dut. Orain arteko emaitzek eta esperientziak posible dela erakusten dute eta egun dugun arazoa konpontzeko irtenbidearen aurrean gaude”. Usurbilgo alkatearen iritziz, herritarrak dira arrakastaren giltza eta ez tratamendu finalistak. “Herritarrak dira dugun punta-puntako teknologia, eta ez erraustegia”.

Moratoriaz gain, Errekondok Batzar Nagusietan gaia jorratzeko eskaera egingo duela eta Markel Olano ahaldun nagusiarengana zuzenean joko duela adierazi du.

Iruzkina gehitu