100119 elizalde agenda 21_2Eskola Agenda 21-en bitartez, Elizalde ikastetxeko adin guztietako haurrek hondakinen gaia jorratu dute lehengo astetik hona.

Sortzen ditugun momentutik hondakinek  zer nolako bizitza duten eta honek zein arazo sortzen dizkigunaren inguruan aritu dira. Ahalik eta gutxien pilatzetik abiatuta, hondakinen tratamendu bide edo sistema ezberdinak zein diren ezagutzeko parada izan dute. Horietako aukera bat da atez ateko bilketa, eta sistema honi buruzko informazioa jaso eta beren iritzia emateko baliagarria izan da Eskola Agenda 21-ek antolatu duen erakusketa hau.

Iruzkina gehitu

konposta2Atez ateko bilketaren baitan hasi du udalak etxeko konposta bultzatzeko kanpaina eta pozik daude herritarrak izaten ari diren erantzunarekin. Urte hasieratik hona, 260 familiak eman dute etxean konposta egiten hasteko izena, eta hiru astean San Marko Mankomunitateak lau urtean jasotako emaitzak hobetzea lortu da. Hala nahi duenak, urtarrilaren 22ra arteko epea du izena emateko. Done Eztebe plazako atez ateko informazio bulegoan, telefonoz (900 49 11 11), emailez (atezate@oiartzun.org) edo webgunean (www.oiartzunatezate.org) egin daiteke eskaera. 

Etxeko konposta atez ateko bilketa sistemaren zutabe garrantzitsuenetako bat da. Izan ere, autokonpostarekin familiako urtean hondakin tona erdi bat gutxiago sortzea lortzen da eta, beraz, sistema osoaren antolaketa errazagoa izango da. 

Udaletik azaldu duten bezala, “denona da hondakinen arazoa eta denok dugu irtenbidea emateko aukera. Etxeko konpostaren bitartez, sukaldean sortzen diren hondakin organikoak erraz birziklatu eta ongarria lortzeko aukera dute baratza edo lorategia duten oiartzuarrek, eta horretarako ahalik eta baliabide gehien jartzea da gure helburua”. 

%20ko hobaria hondakinen tasan 

Beren materia organikoa etxean bertan konpostatzen duten oiartzuarrek %20ko hobaria izango dute hondakinen tasan. Izan ere, Aitor Etxeberria alkateak esan bezala, “familia hauen hondakin organikoek ez dute bilketa eta tratamendu gasturik izango eta horrek islada izan behar du ordaindutako tasan”. 

Honez gain, etxean konposta egin ahal izateko erraztasunak jarri nahi ditu udalak eta izena ematen duten bizilagunek doako ikastaroak, konposta-kaxak eta zazpi hilabeteko jarraipen teknikoa izango dituzte eskura. Otsailean izango dira ikastaroak eta honen ostean, konposta-kaxak banatuta, udal teknikari talde baten aholkularitza jasotzeko aukera izango dute etxean bertan konpostatzeari ekiten dioten herritarrek.

 

 

Iruzkina gehitu

Atzo ilunabarreko 19:30ean eztabaida eta erabakitze prozesuko 3. eta azken batzarra izan zen udaletxeko pleno aretoan.Udal ordezkariek eta informazio bulegoko teknikariek azaldu bezala, “atez atekoak Oiartzunen izango duen funtzionamenduaren oinarriak finkatuta daude eta hemendik aurrerako helburua lekuan lekuko xehetasunak definitzen joatea da”. 

100114 3osoko batzarra Orain arte hartutako erabakiak udalaren azterketa teknikoen eta auzoz auzo, landa eremuko bizilagunekin eta merkatari nahiz ostalariekin egin diren bileretan jasotako ekarpenen fruitua dira. Enrike Lekuona hirigintza zinegotziak, egindako bilerak herritar askorengana heltzeko bidea izan direla eta, beraz, jasotako ekarpenak atez ateko bilketa oiartzuarren beharretara ahalik eta ongien egokitzeko baliagarriak direla azpimarratu zuen. 

Oiartzungo kaleetako hondakinak gauez bilduko dira. Bizilagunek 20:00etatik 22:00ak arteko tartea izango dute egunean eguneko hondakinak ateratzeko. Astean hirutan materia organikoa, bitan ontziak eta behin papera nahiz errefusa (birziklagarriak ez diren hondarrak) jasoko dituzte biltzaileek. Pixoihalak eta konpresak errefusa diren arren, egunero atera ahal izango dira egunean eguneko hondakin frakzioarekin batera. Bileretan jasotako proposamenak aztertuta, papera eta kartoia plastikozko poltsetan ateratzeko aukera ere izango da. 

Zintzilikailuen kokapena 

Gune urbanoan bizi diren oiartzuarrek begi onez ikusi dute bilketarako zintzilikailuak erabiltzea. Hemendik aurrera, pertxa hauek atari bakoitzean izango duten kokapena da definitu beharrekoa. Aholkularitza lanetan dabilen Jon Kortajarena teknikariak azterketa lanetan dabiltzala azaldu zuen. “Udalak bere proiektua egingo du atari bakoitzerako eta bizilagunek aurrez jakinarazitako 15 eguneko epea izango dute proposamena ikusi eta kontrastatzeko”.

Gehiago irakurri

Iruzkina gehitu

HalifaxWaterfrontHala da. Kanadan, birziklatzea gaindituta, preziklatu egiten dute. Hau da, ahalik eta hondakin gutxien sortzen saiatzen dira.

300.000 biztanleko hiriburu bat da Halifax eta pasatu dira urte batzuk hondakinak atez ate biltzen hasi zirenetik. Pauso bat haratago joanez, beren webgunean preziklatzeko hainbat aholku ematen dituzte.

Iruzkina gehitu

OIARTZUN - tarjetonBihar arratsaldeko 7:30etan izango da eztabaida eta erabakitze prozesuko 3. eta azken osoko batzarra udaletxeko pleno aretoan.

Orain artekoa baloratu eta hartutako erabakiak aurkeztuta, hemendik aurrerako pausoen berri emango dute udal ordezkariek. Erabakitzen jarraituko dugu. Atez atekoaren zutabe nagusiak finkatuta, lekuan lekuko xehetasunak definitzeko garaia da orain.

Iruzkina gehitu

100112 burgosko bisitaAtzo goizean Burgos-ko enpresa bat izan zen Haurtzaro ikastolako konposta makinaren funtzionamendua ezagutzen. Kolvik-eko gerente den Abdon Beitiarekin egin zuten bisita.

Haurtzaroko makina Kolvik etxekoa da eta Beitiak esan zuenez, konposta makinak egungo eta etorkizunerako aukera asko eskaintzen dituzten azpiegiturak dira. Horren adierazle dugu Ikastolako makina jasotzen ari den bisita kopurua!

Iruzkina gehitu

Igandean, urtarrilak 10, urteroko bertso saioa izan zen Elorsoro kiroldegian eta atez atekoaz ere aritu ziren bertsolariak. Unai Elizasu gai jartzaileak Jon Martin eta Aitor Sarriegi jarri zituen birziklatze lanetan.

Oholtzakide zituzten gainontzekoen hainbat objektu nola birziklatu behar ote diren esan zuten bertsotan. Martinen arabera, Mendiluzeren botak organikoarekin aterako ditugu, gazta usaina omen dute eta!

YouTube Preview Image Iruzkina gehitu

“Separar la basura”

logo-el-paisValladolid aldeko Pedro Serrano Martínez-ek izenburu honekin kaleratu du bere iritzi artikulua El País egunkarian.

Esaten ari garen moduan, hondakinena denon arazoa da; Oiartzun eta Euskal Herriko mugak gainditzen dituen arazo eta ardura da hondakinena. 

Iruzkina gehitu