Aportazio-guneak itxi dira

talaia etxolaAportazio-guneak landa eremuko oiartzuarren zerbitzura dauden hondakinak egoki sailkatzeko etxolak dira; beren hondarrak ez baitira atez ate jasotzen. Beraz, aportazio-guneak hirigunean bizi ez diren herritarrek soilik erabiliko dituzte, eta oraindik bertako giltza jaso ez dutenek atez ateko informazio bulegora etorri behar dute bila.

Talaia poligonoko (Arragua) etxola da irekita utzi den bakarra, eta hala geratuko da. Izan ere, Talaiakoa, aportazio-gunea izateaz gain, larrialdi-puntua ere bada. Oiartzuar guztiek dute ezohiko kasuetan beren hondakinak larrialdi-gunean uzteko aukera.

Argazkian, Talaiako aportazio eta larrialdi gunea; irekita geratu den bakarra, hain zuzen.

Iruzkina gehitu

Zein etxola politak!

100520 aportazio guneakHorrelakoak dira Oiartzungo aportazio guneak eta emergentzi puntua. Ikusten denez, ia bukatuta daude eta polit askoak geratu dira! Igandea bitarte kontenedoreak sartuko dituzte etxola horietan. Landa eremuko bizilagunentzat dira aportazio guneak eta emergentzi puntua berriz ordutegiarekin arazoak ditugunean edo ezohiko egoera batean erabili ahal izango dugu herritar orok. Aportazio guneak giltzaz itxita egongo dira eta larrialdi gunea berriz irekita.

Iruzkina gehitu

100513 irudiaAtez ateko bilketa kontu berria da Oiartzunen, eta denoi sortzen zaizkigu zalantzak. Nola antolatu behar dut sukaldea? Nora bota behar dut hondakin hau eta nora hango hura?…

Kontu horiek guztiak argitzeko asmoz, atez atekoari buruzko tailer praktikoak antolatu dituzte Oiartzun ke?, Eguzki eta Oiartzungo Agenda21 taldeek. Datorren maiatzaren 18 eta 20an izango dira tailerrak arratsaldeko 19:00tik aurrera, Manuel Lekuona liburutegian.

Usurbildik etorriko dira beren esperientziak kontatu eta urtebetean ikasitakoa partekatzera. Herritarrentzat, merkatari nahiz ostalarientzat eta elkarteetako bazkideentzat pentsatu eta antolatu dituzte tailer praktiko horiek. “Guztiok ikasi behar dugu, eta tailer hauek guztiontzat interesgarriak izango direlakoan gaude”, adierazi dute antolatzaileek. Horregatik, oiartzuar guztiei egin diete tailer horietan parte hartzeko deia. 

2 iruzkin

100422 kaleko zakarrontziakHorixe da galdera: zer gertatuko da kaleko zakorrontziekin atez atekoa martxan jartzen denean?

Ez dira Oiartzungo kaleetatik desagertuko, baina egokitu egingo dira hondakinak sailkatuta erraz jasotzeko. Egun, kalean gabiltzanean ez dugu aukerarik horretarako, dena nahastuta botatzen dugu zakarrontzietara eta, beraz, ez dugu bertan botatako hondakinik birziklatzen.

Aitzitik, zakarrontzietara botatzen ditugu hondakin gehienak birziklagarriak dira eta hori horrela egiteko erraztasunak jarriko dira atez atekoa martxan jartzen denean. Etxean ez ezik, kalean ere gauzak ondo egiten saiatu behar dugu.

Iruzkina gehitu

Josep María Tost Borrás Riudecanyes-ko alkatea da (CIU) eta baita “Associació de Municipis Catalans per a la Recollida Porta a Porta” elkarteko presidentea ere.

Jarraitu zuzenean hitzaldia 18:30etik aurrera

Iruzkina gehitu

Gurasoak, ikasle (2. zatia)

100324 haurtzaro1Orain pare bat aste Elizalde Herri Eskolako gurasoekin egin bezala, asteazken arratsaldean Haurtzaro Ikastolako gurasoei ere atez atekoaren berri eman zien Jon eta Ainara teknikariek.

Azalpen orokorraz gain, atez atekoak Oiartzunen izango duen funtzionamenduaz ere hitz egin zuten; maitzaren 5a jada begi bistan baitago!

Bilera bukatutakoan, ikastolan bertan dagoen konposta makina bisitatzeko ere hartu zuten tarte bat.

Iruzkina gehitu

Oiartzungo Udalak lotuta ditu hondakinak atez ate biltzen hasteko beharrezko azpiegitura guztiak, eta Aitor Etxeberria alkateak gaur eguerdiko agerraldian esan bezala, “datorren maiatzaren 5ean hasiko gara hiri hondakinak atez ate biltzen”. Hurrengo hilabete eta erdian herritarrei ahal bezainbat erraztasun eta informazio praktiko eskura jartzea izango da udalaren helburua. 

100315 prentsaurrekoa txikiaOrain bi urte hasi zen gai hau lantzen Oiartzungo Udala, eta pasa den azarotik hona herritarrekin batera gorpuztu du atez atekoak herrian izango duen funtzionamendua. Orain, halaber, “heldu da sistema martxan jartzeko ordua, heldu da hondakinen arazoari egiazko irtenbidea emateko ordua”, adierazi du Etxeberriak. 

Herritarren osasuna eta ingurumena izan dira atez atekoaren aldeko apustua egiteko arrazoi nagusiak, baina egungo hondakinen bilketa nahiz tratamendu sistemak urtero sortzen duen defizit ekonomikoa arintzeko asmoz ere hartu dira erabakiak. Hondakinak atez ate biltzen hastean, sortutako errefusa kantitatea nabarmen murriztuko da Oiartzunen; horretan datza arazo ekonomikoei irtenbidea ematearen gakoa. Bilketa bera garestiagoa izango den arren, errefusaren tratamenduagatik ordaindu beharrekoa nabarmen jaitsiko da, eta birziklagarriak diren materialengatik egungo sistemarekin jasotzen ez dituen diru-sarrerak izango ditu udalak. “Momentuan kostuak zertxobait murriztea lortuko dugu, baina etorkizunean aldea gero eta nabarmenagoa izango da, errefusaren tratamendua gero eta garestiagoa izango baita”, adierazi du Etxeberriak. 

Munduko hainbat herrialdetan, Katalunian eta Usurbilen bertan izandako esperientziek atez atekoa bideragarria dela frogatu dute eta Oiartzunen ere ondo funtzionatuko duela ziurtatu du alkateak; konfiantza osoa du oiartzuarren asmo onean. “Oiartzun zerbitzu onak dituen herria izanik, hondakinen bilketa zerbitzua ere maila berean jartzeko garaia bada. Arazoak besterik ematen ez dituzten kontenedoreak atez atekoa bezalako zerbitzu garbi, eroso eta eraginkor bategatik ordezkatzeko garaia da”. 

Maiatzaren 5etik aurrera beira ez beste hondakin guztiak atez ate jasoko ditu Oiartzungo Udalak. Astelehen eta ostegunetan ontzi arinak bilduko dira; asteartetan papera eta kartoia; asteazken, ostiral eta igandetan materia organikoa eta larunbatetan errefusa. Herritarrek ilunabarreko 20:00tik 22:00ra arteko tartea izango dute beren hondakinak atarira ateratzeko. Honez gain, zerbitzu osoa eta egokia eman ahal izateko, 6 aportazio-gune (landa eremuko bizilagunentzat), emergentzi-gunea eta garbigunea jarriko dira herritarren zerbitzura.

Usurbilgo Ituna 

Oiartzungo Udalak bat egiten du pasa den ostiralean aurkeztu zen Usurbilgo Itunaren edukiarekin. Izan ere, Oiartzunen hondakinen gaiak hartu duen bideak itun horren norabide bera du; norabide berean egiten dute indar biek. Sei urteko moratoria eskaeraren ostean, Usurbilgo Ituna pauso sendo eta arrazoizkoa da. Aitor Etxeberriaren hitzetan, “ pausoz pauso, errausketarik eta zaborrik gabeko arora helduko gara; atez ateko bilketaren arora, alegia”.

Iruzkina gehitu

100218 errealeko jokalariak usurbilErrealeko kapitaina den Mikel Aranburu, Mikel Labaka eta Imanol Agirretxe aurrelari usurbildarra atez atekoa ezagutzen izan dira gaur goizean. Xabier Mikel Errekondo alkatea izan dute bidaide.

Kuboen sistema, kamioiek burututako bilketa, atez atekoaren datuak… ezagutu dituzte. Zituzten hainbat zalantza argitzeko aukera izan dute. Bilketa sistemarekiko interesa agertzeaz gain, Zubietako euren entrenamendu gunetik gertu eraikiko duten erraustegiarekiko kezka azaldu dute.

Oharra: argazki hau www.noaua.com webgunean argitaratu dute.

Iruzkina gehitu

1.orrialdea12345Hurrengoa »