Azken hilabete eta aste hauetan guztiok entzun, esan edo pentsatu dugu Zubietan egin nahi duten errauste plantaren gainean. Gaurko Berrian Gipuzkoako Hondakinen Partzuergoko kudeatzailea den Ainhoa Gonzalezen eta Imanol Azpiroz San Marko Mankomunitateko lehendakariaren ikuspegiak azaldu nahi izan dituzte.

Kontu honen harira, Urko Apaolazak ere agertu nahi izan du bere iritzia Argia aldizkarian.

Oharra: Argazkian, Zabalgarbiko errauste planta. Argian argitaratuko argazkia.

Iruzkina gehitu

Herritarren aldetik jasotako erantzun ona ikusita, Oiartzungo Udalak etxean konpostatzen hasteko izena emateko epea urtarrilaren 29ra arte luzatzea erabaki du. Hala nahi duenak, orain arte bezala, Done Eztebe plazako atez ateko informazio bulegoan, telefonoz (900 49 11 11), emailez (atezate@oiartzun.org) edo webgunean (www.oiartzunatezate.org) eman dezake izena. 

Orain arte 350 familia animatu dira etxeko konpostari ekitera, eta atez atekoaren gaineko aholkularitza lanetan dabilen Jon Kortajarena teknikariak datu honen garrantzia azpimarratu nahi izan du. “Ez gara aspertuko etxeko konposta atez ateko bilketa sistemaren zutabe garrantzitsuenetako bat dela esaten. Izan ere, autokonpostarekin familiako urtean 500 kilo hondakin gutxiago sortzea lortzen da eta, beraz, sistema osoaren antolaketa errazagoa izango da”. 

Kortajarenak azaldu bezala, denok aterako gara irabazten. Udalak bilketa erraztu eta azkartzeaz gain, etxean konposta egiteko aukera duten herritarrek beren gisara kudeatuko dituzte sortzen dituzten hondakin organikoak, ez dituzte egun jakinetan zintzilikailuan utzi beharko. Gainera, konposta-kaxatik lorategi eta baratzarako ongarria lortuko dute. 

“Herritarrak apustuari ekiteko prest daude” 

Udala autokonposta bultzatzeko eskura dituen baliabide guztiak martxan jartzen ari da. Izena emateko epea bukatuta, hondakin organikoak beren kabuz konpostatzen hasten diren herritarrek doako ikastaroak, konposta-kaxak, 7 hilabeteko udal teknikari talde baten jarraipen eta aholkularitza teknikoa, eta urteroko zaborren tasan %20ko hobaria izango dituzte. Alkatearen hitzetan, “argi ikusi dugu, bitartekoak eskura jarriz gero, herritarrak apustuari ekiteko prest daudela”. Orain arteko emaitzak ikusita eta aurreikuspenak kontuan izanda, oiartzuarrek autokonpostarekin lor ditzaketen emaitzak oso onak izateko bidean dira.

Iruzkina gehitu

Kirolaz, politikaz eta, beste hainbat gaien artean, Usurbilgo atez atekoaren gainean ere hitz egiten du

Irakurri hemen elkarrizketa osoa. 

Oharra: argazki hau Argia aldizkarian argitaratu da.

Iruzkina gehitu

 Cristina Enea Fundazioak antolatuta, bihar arratsaldeko 19:00etatik aurrera Juantxo Lopez de Uralde ekologistak hitzaldia emango du Donostiako Udaletxean.

Lopez de Uralde Greenpeacek Espainian duen ordezkaritzaren zuzendaria da eta pasa den abenduan klima aldaketaren aurkako nazioarteko Kopenhageko goi-bileraren nondik norakoak azalduko ditu.

Oharra: argazki hau www.europapress.es webgunean azaldu da. 

Iruzkina gehitu

Beirazko eta plastikozko botilek hamaika erabilera izan ditzakete! Ikusi, ikusi honako bideo hau.

Iruzkina gehitu

Capannori Italia iparraldean dagoen 45.700 biztanleko hirigunea da. Toskanako eskualdean dagoen herri honek 2007an hartu zuen “Zero Zabor” (Zero Waste) ekimenari heltzeko konpromiso ofiziala eta orduz geroztik bide honi ekin eta jarraitzeko hainbat pauso eman dituzte. Horietako bat da hondakinen atez ateko bilketa. Hemen duzue Rossano Ercolini irakasleak esperientzia azalduz landutako aurkezpena: “Picture of Zero Waste Italian Activities”.

Etorkizuneko erronkei helduta, hurrengo urtarrilaren 23an ikerketa zentru bat martxan jartzekotan dira. Birziklagarriak ez diren materialen erabilera murrizteko iniziatibak garatzeko helburua du eta ezaugarri hauek dituen bakarra izango da Italia osoan.

Iruzkina gehitu

Eskola Agenda 21-en bitartez, Elizalde ikastetxeko adin guztietako haurrek hondakinen gaia jorratu dute lehengo astetik hona.

Sortzen ditugun momentutik hondakinek  zer nolako bizitza duten eta honek zein arazo sortzen dizkigunaren inguruan aritu dira. Ahalik eta gutxien pilatzetik abiatuta, hondakinen tratamendu bide edo sistema ezberdinak zein diren ezagutzeko parada izan dute. Horietako aukera bat da atez ateko bilketa, eta sistema honi buruzko informazioa jaso eta beren iritzia emateko baliagarria izan da Eskola Agenda 21-ek antolatu duen erakusketa hau.

Iruzkina gehitu

Atez ateko bilketaren baitan hasi du udalak etxeko konposta bultzatzeko kanpaina eta pozik daude herritarrak izaten ari diren erantzunarekin. Urte hasieratik hona, 260 familiak eman dute etxean konposta egiten hasteko izena, eta hiru astean San Marko Mankomunitateak lau urtean jasotako emaitzak hobetzea lortu da. Hala nahi duenak, urtarrilaren 22ra arteko epea du izena emateko. Done Eztebe plazako atez ateko informazio bulegoan, telefonoz (900 49 11 11), emailez (atezate@oiartzun.org) edo webgunean (www.oiartzunatezate.org) egin daiteke eskaera. 

Etxeko konposta atez ateko bilketa sistemaren zutabe garrantzitsuenetako bat da. Izan ere, autokonpostarekin familiako urtean hondakin tona erdi bat gutxiago sortzea lortzen da eta, beraz, sistema osoaren antolaketa errazagoa izango da. 

Udaletik azaldu duten bezala, “denona da hondakinen arazoa eta denok dugu irtenbidea emateko aukera. Etxeko konpostaren bitartez, sukaldean sortzen diren hondakin organikoak erraz birziklatu eta ongarria lortzeko aukera dute baratza edo lorategia duten oiartzuarrek, eta horretarako ahalik eta baliabide gehien jartzea da gure helburua”. 

%20ko hobaria hondakinen tasan 

Beren materia organikoa etxean bertan konpostatzen duten oiartzuarrek %20ko hobaria izango dute hondakinen tasan. Izan ere, Aitor Etxeberria alkateak esan bezala, “familia hauen hondakin organikoek ez dute bilketa eta tratamendu gasturik izango eta horrek islada izan behar du ordaindutako tasan”. 

Honez gain, etxean konposta egin ahal izateko erraztasunak jarri nahi ditu udalak eta izena ematen duten bizilagunek doako ikastaroak, konposta-kaxak eta zazpi hilabeteko jarraipen teknikoa izango dituzte eskura. Otsailean izango dira ikastaroak eta honen ostean, konposta-kaxak banatuta, udal teknikari talde baten aholkularitza jasotzeko aukera izango dute etxean bertan konpostatzeari ekiten dioten herritarrek.

Iruzkina gehitu